Skip to content Skip to sidebar Skip to footer

長沙灣小店爆餡芋泥肉鬆三文治/手工芋泥鮮奶芋圓,還有鍋煮奶茶!

召集芋泥控!長沙灣發現一間小店幸子茶屋,主打鍋煮奶茶,挑選台灣茶葉同4.3牛乳,不過更吸引係佢竟然有芋泥肉鬆蛋三文治,仲要係爆餡嗰隻!

即叫即整嘅三文治熱辣辣奉上,由於小店關係,需要耐心等候,必食芋泥肉鬆蛋三文治/$42,厚厚芋泥質感實在,食到微微芋頭粒。調味偏輕手,比較食到芋頭天然味道加埋鹹鹹香香嘅肉鬆就啱啱好。三文治每邊都有烘過,再加隻蛋,食完成份都算幾飽。

另一款芋泥控不能錯過嘅仲有芋泥鮮奶小芋圓/$32,手工芋泥加濃香鮮奶本身就好無敵,加埋粒粒煙韌嘅小芋㘣,令成個口感更加豐富。

小店其實另外仲有一個主打,就係鍋煮鮮奶茶/$22起,一有order先會煮,總括而言會比較推介佢哋嘅芋泥系列。

地址:深水埗福榮街218號美居中心地下41A號舖
營業時間:星期二至日12pm-8pm

This site is registered on wpml.org as a development site. Switch to a production site key to remove this banner.