新年快到喇！如果你鍾意M&M’S，咁就千祈唔好錯過LCX舉辦嘅「M&M’S新春派對」。即日起至2月14日，尖沙咀海港城三樓嘅LCX會變成M&M’S角色嘅新春基地，無論係影相、玩遊戲定係攞禮物，都有得你玩足成個假期！
一入M&M’S之家，七彩繽紛嘅新春佈置已經充滿節日氣氛，阿紅、阿黃、阿綠同阿紫等人氣角色會喺拱門、沙發區等地方迎接你，仲可以「豆」利是同影相留念。阿橙更準備咗蘋果棋、積木塔等有趣遊戲，等你同家人朋友玩得樂而忘返。而喺靚相「豆」來拍照亭，仲可以用三款賀年相框，免費同M&M’S角色自拍，掃描QR Code即刻下載相片，順便喺桃花樹下行幾圈，為新一年添桃花運，簡直一舉兩得！
如果你鍾意逛年宵，又想玩夾公仔機，咁LCX嘅「豆」趣年宵攤位就啱哂你。每消費滿HK$300，即可換取遊戲代幣參加夾公仔遊戲，成功夾到遊戲球仲可以換領M&M’S零錢包、咕𠱸等精品。除此之外，LCX仲推出咗超吸引嘅限量「M&M’S慶新年開運箱」，消費滿HK$288即可換領，包括M&M’S馬克杯、利是封、行李帶等實用精品，兩款設計任你揀，總價值超過HK$688，首150位仲額外有電影戲票換領劵！
今年新年仲有特別驚喜！農曆年初一至初三，財神爺會現身LCX正門派禮物，祝大家財運滾滾來，而喺指定週末，阿紅同阿綠會親自同大家見面，送上最溫馨嘅新春祝福。最後，記得消費滿HK$1,000，即可換領M&M’S賀年利是封及揮春，仲有陶瓷點心碟、手挽袋同新春月曆等限定精品，讓你滿載而歸。
「LCX x M&M’S慶新年．樂無限」
日期：1月11日至2月14日
時間：上午10時至晚上10時
地點：尖沙嘴海港城海運大廈三階LCX
M&M’S粉絲見面會
日期：1月11日、18日及25日
時間：下午2時至5時
LCX新春財神到
日期：1月29日至31日（年初一至初三）
時間：下午4時至6時
地點：尖沙嘴海港城海運大廈三階LCX正門
